HK Stream又有好消息！根據澳港聯發佈嘅資訊，佢哋收到內政部通知，「485畢業生簽證的年齡上限相關改革不適用於香港學生，包括現時就讀或未來來澳洲升學的香港學生，詳情會在明年初公佈。」

2023年12月11日，澳洲公佈移民改革方針，畢業生簽證嘅門檻將會大大提高，年齡上限由50歲降至35歲。而「避風港」渠道下，持有畢業生簽證嘅港人只要係澳洲住滿3-4年便可以達至永居。所以自推出改革以嚟，唔少打算或者正前往澳洲讀書嘅港人都好擔心。今次內政部大派定心丸，相信大家都可以安心過聖誕啦！

希望大家冬至快樂！聖誕快樂！一有新消息我哋都會盡快同大家分享！