講起聖誕節,大家第一時間諗起嘅係冬天、落雪、食啲暖烘烘嘅食物,但位於南半球嘅澳洲,12月其實正值夏天,成30幾40度,但係都唔代表澳洲人唔慶祝聖誕節,反而仲有啲獨特之處!
第1個就係關於聖誕老人嘅衣着,其實因為夏天嘅緣故,佢哋係着短褲、踢拖,去沙灘過聖誕。好多澳洲家庭係聖誕節都會計劃去沙灘慶祝,滑水同堆沙!
第2個就係關於聖誕大餐,澳洲人會係聖誕節食當造海鮮,Sydney Fish Market每年都有「36-Hour Seafood Marathon」嘅習俗,就係舗頭會由23號凌晨5點開始,開足36個鐘畀大家買海鮮,唔少人都會買海鮮準備Christmas lunch或者BBQ!
第3個就係燈飾,係香港我地就會特登出維港兩岸睇,但係喺澳洲好多屋企前園裝飾,好誇張同有節日氣氛,絕對唔會輸俾畀維港兩岸!唔少屋企都會同小朋友夜晚兜風睇下鄰居嘅燈飾!
唔知大家又鍾唔鍾意呢夏日熱辣辣嘅聖誕節呢?留言同我哋講啦!